ہڑپہ: کمسن بچے سے مبینہ زیادتی، 3 ملزمان گرفتار

ہڑپہ: پنجاب کے علاقے ہڑپہ میں 12 سالہ بچے کے ساتھ مبینہ زیادتی کے واقعے پر پولیس نے فوری کارروائی کرتے ہوئے تین ملزمان کو گرفتار کر لیا۔

پولیس کے مطابق واقعے کے بعد متاثرہ بچے کے اہلِ خانہ کی مدعیت میں مقدمہ درج کر لیا گیا ہے، جس میں اغوا اور زیادتی کی دفعات شامل کی گئی ہیں۔

پولیس حکام کا کہنا ہے کہ گرفتار ملزمان سے تفتیش جاری ہے، جبکہ واقعے کے تمام پہلوؤں کا جائزہ لیا جا رہا ہے۔ متعلقہ شواہد بھی اکٹھے کیے جا رہے ہیں تاکہ قانونی کارروائی کو مکمل کیا جا سکے۔

حکام کے مطابق مقدمے کی تحقیقات قانون کے مطابق جاری ہیں اور ملزمان کو عدالت میں پیش کیا جائے گا۔