آواران: سیکیورٹی فورسز کا انٹیلی جنس بیسڈ آپریشن، 3 دہشت گرد ہلاک

بلوچستان کے ضلع آواران میں سیکیورٹی فورسز نے انٹیلی جنس بیسڈ آپریشن کے دوران 3 دہشت گردوں کو ہلاک کرنے کا دعویٰ کیا ہے۔

سیکیورٹی ذرائع کے مطابق کارروائی ضلع آواران کے علاقے بدرنگ میں آپریشن ردالفتنہ 3 کے تحت کی گئی۔

ذرائع کے مطابق آپریشن کے دوران 3 دہشت گرد ہلاک ہوئے، جبکہ ہلاک افراد کے قبضے سے بڑی تعداد میں اسلحہ اور گولہ بارود بھی برآمد کیا گیا۔

سیکیورٹی ذرائع کا کہنا ہے کہ علاقے میں کارروائی کے بعد مزید کلیئرنس آپریشن بھی جاری ہے۔