آزاد کشمیر انتخابات: ایل اے 27 اور ایل اے 28 میں ملتوی شدہ پولنگ کا عمل جاری

مظفرآباد: آزاد جموں و کشمیر قانون ساز اسمبلی کے انتخابات کے سلسلے میں حلقہ ایل اے 27 اور ایل اے 28 کے 57 پولنگ اسٹیشنوں پر آج ووٹنگ کا عمل جاری ہے۔ یہ پولنگ اتوار کو خراب موسمی حالات کے باعث ملتوی کر دی گئی تھی۔

الیکشن حکام کے مطابق دونوں حلقوں میں ووٹرز اپنا حقِ رائے دہی استعمال کر رہے ہیں، جبکہ پولنگ کا عمل پرامن ماحول میں جاری ہے۔ سیکیورٹی کے لیے بھی خصوصی انتظامات کیے گئے ہیں تاکہ ووٹنگ شفاف اور محفوظ انداز میں مکمل ہو سکے۔

غیر حتمی اور غیر سرکاری نتائج کے مطابق اب تک ہونے والے انتخابی مراحل میں مسلم لیگ (ن) 14 نشستوں پر کامیابی حاصل کر چکی ہے، جبکہ پاکستان پیپلز پارٹی 5 حلقوں میں کامیاب رہی ہے۔

الیکشن شیڈول کے مطابق انتخابات کے تیسرے مرحلے میں پونچھ ڈویژن کے اضلاع راولاکوٹ، پلندری، باغ اور حویلی کے 11 حلقوں (ایل اے 14 تا ایل اے 24) میں پولنگ 10 اگست کو ہوگی۔

الیکشن کمیشن کا کہنا ہے کہ تمام مراحل کی تکمیل کے بعد آزاد کشمیر قانون ساز اسمبلی کی نئی تشکیل کا عمل مکمل ہوگا۔