"اسلام آباد: ریاست مخالف مہم اور حساس ڈیٹا لیک کرنے والے ملزم کا 4 روزہ جسمانی ریمانڈ منظور”

اسلام آباد کی مقامی عدالت نے ریاست مخالف مہم اور حساس سرکاری ڈیٹا لیک کرنے والے ملزم انس نواز کا چار روزہ جسمانی ریمانڈ منظور کر لیا۔

ڈان نیوز کے مطابق، ملزم کو ڈسٹرکٹ اینڈ سیشن کورٹس اسلام آباد پیش کیا گیا، جہاں ایف آئی اے نے اس کے 5 روزہ جسمانی ریمانڈ کی استدعا کی، اور موقف اپنایا کہ ملزم سے تفتیش کرنی ہے۔ جوڈیشل مجسٹریٹ عباس شاہ نے اس درخواست کو مسترد کرتے ہوئے ملزم کا 4 روزہ جسمانی ریمانڈ منظور کر لیا اور اسے ایف آئی اے کے حوالے کر دیا۔

ملزم انس نواز کو اسلام آباد میں چھاپہ مار کارروائی کے دوران گرفتار کیا گیا تھا۔ اس کے خلاف پیکا ایکٹ کے تحت مقدمہ درج کیا گیا ہے۔

مقدمے کے متن کے مطابق، ملزم نے پاسپورٹ اینڈ امیگریشن ڈیٹا بیس تک غیر قانونی رسائی حاصل کی اور شہریوں کے ذاتی پاسپورٹس اور اعلیٰ سرکاری شخصیات کی تصاویر سوشل میڈیا پر شیئر کیں۔ مقدمے میں مزید کہا گیا ہے کہ ملزم نے حساس معلومات شیئر کرکے عوام میں خوف و ہراس پھیلانے کی کوشش کی۔