ترک صدر رجب طیب اردوان 12 سے 13 فروری تک پاکستان کا اہم دورہ کریں گے۔ ترجمان دفترِ خارجہ کے مطابق، ترک صدر وزیرِ اعظم پاکستان شہباز شریف کی دعوت پر پاکستان آ رہے ہیں، اور ان کے ہمراہ ایک اعلیٰ سطح کا وفد بھی ہوگا۔
دورے کے دوران ترک صدر وزیرِ اعظم شہباز شریف اور صدر آصف زرداری سے ملاقاتیں کریں گے۔ دونوں رہنما پاک ترک اسٹریٹجک کوآپریشن کونسل کے اجلاس کی مشترکہ صدارت کریں گے، جس کے اختتام پر ایک مشترکہ اعلامیہ جاری کیا جائے گا۔
ترکی کے صدر کے دورے کے دوران پاکستان اور ترکی کے درمیان کئی اہم معاہدوں پر دستخط ہونے کی توقع ہے، جس سے دونوں ممالک کے تعلقات مزید مستحکم ہونے کی امید ہے۔
