ایران جنگ پر نیتن یاہو ہر معاملے میں غلط تھے، جے ڈی وینس کی ٹرمپ کو اہم تجویز

نور میڈیا | عالمی خبریں

امریکی نائب صدر جے ڈی وینس نے ایران کے معاملے پر اسرائیلی وزیرِاعظم نیتن یاہو کو سخت تنقید کا نشانہ بناتے ہوئے صدر ڈونلڈ ٹرمپ پر زور دیا کہ ایران کے خلاف حملے دوبارہ شروع کرنے کے بجائے معاہدے کے ذریعے تنازع ختم کیا جائے۔

رپورٹ کے مطابق جے ڈی وینس کا مؤقف تھا کہ ایران جنگ غیر مقبول ہے اور اس کے باعث ریپبلکن پارٹی کو وسط مدتی انتخابات میں نقصان اٹھانا پڑ سکتا ہے۔ انہوں نے نیتن یاہو پر ایران کے معاملے میں ’’ہر چیز میں غلط‘‘ ہونے کا الزام بھی لگایا۔

ذرائع کے مطابق ٹرمپ کے قریبی مشیروں نے بھی ایران کے ساتھ معاہدے کی حمایت کی، جبکہ نیتن یاہو نے جنگ دوبارہ شروع کرنے کے لیے دباؤ ڈالا۔ تاہم، حملے دوبارہ شروع کرنے کا فیصلہ روک دیا گیا۔

رپورٹ میں مزید دعویٰ کیا گیا ہے کہ ٹرمپ نے اپنے بعض اعلیٰ مشیروں کے اعتراضات کے باوجود اسرائیلی انتخابات میں نیتن یاہو کی حمایت کی۔