علی امین گنڈاپور: "آئین پر عمل نہ کرنے سے ملک تقسیم ہوا

علی امین گنڈاپور: "آئین پر عمل نہ کر کے ہم نے ملک کو نقصان پہنچایا”

اسلام آباد – وزیرِ اعلیٰ خیبر پختونخوا علی امین گنڈاپور نے کہا ہے کہ ریاست اور عوام کے درمیان آئین ایک بنیادی معاہدہ ہوتا ہے، اور جب اس پر عمل نہیں کیا جاتا تو ملک کو نقصان پہنچتا ہے۔

اسلام آباد میں ایک تقریب سے خطاب کرتے ہوئے علی امین گنڈاپور نے کہا کہ "اگر حکومت اور عوام کے درمیان اعتماد قائم نہ ہو تو ٹیکس وصولی میں کمی آ جاتی ہے، جو معیشت کے لیے نقصان دہ ثابت ہوتی ہے۔”

فاٹا انضمام اور درپیش چیلنجز

علی امین گنڈاپور نے خیبر پختونخوا میں فاٹا کے انضمام کے حوالے سے گفتگو کرتے ہوئے بتایا کہ اس اقدام کے بعد صوبے کی آبادی میں 57 لاکھ کا اضافہ ہوا ہے، جس کی وجہ سے وسائل کی ضرورت بھی بڑھ گئی ہے۔ انہوں نے کہا کہ "یہ علاقہ پہلے ہی بہت پسماندہ تھا، اسے دیگر علاقوں کے برابر لانے کے لیے اضافی وسائل درکار ہیں۔”

بداعتمادی، کرپشن اور امن و امان کے مسائل

وزیرِ اعلیٰ خیبر پختونخوا نے ریاستی ذمہ داریوں پر زور دیتے ہوئے کہا کہ "اگر ریاست اپنے وعدے پورے نہ کرے تو عوام میں بداعتمادی پیدا ہوتی ہے، جس کا نتیجہ کرپشن اور امن و عامہ کی بگڑتی ہوئی صورتحال کی صورت میں نکلتا ہے۔”

علی امین گنڈاپور کے یہ بیانات ایک ایسے وقت میں سامنے آئے ہیں جب ملک میں آئینی بالادستی، ٹیکس نظام میں بہتری، اور صوبوں کے وسائل کی تقسیم پر مسلسل بحث جاری ہے۔ ان کے مطابق، حکومت اور عوام کے درمیان اعتماد کی بحالی کے لیے آئین پر سختی سے عملدرآمد ناگزیر ہے۔