نواز شریف نے کہا ہے کہ پاکستان کی معیشت میں زوال کا رخ انہوں نے ترقی کی جانب موڑ دیا ہے

سابق وزیراعظم اور مسلم لیگ (ن) کے قائد میاں نواز شریف نے کہا کہ انہوں نے پاکستان کی معیشت میں زوال کا رخ ترقی کی طرف موڑ دیا ہے اور اب وہ ایک بار پھر پاکستان کو سنوارنے کے لیے اپنی کوششیں جاری رکھے ہوئے ہیں۔ ان کا کہنا تھا کہ معاشی اشاریوں میں بہتری پاکستان کی بہتری کی علامت ہے اور اس میں آئی ایم ایف کی جانب سے پاکستان کی معاشی بحالی اور ترقی کی سمت میں پیشرفت کا اعتراف بھی کیا گیا ہے۔

نواز شریف نے مزید کہا کہ ملک کی بنیادیں ہلا دینے والے بے ایمان شخص کے بعد انہوں نے پاکستان کی ترقی کے لیے قربانیاں دیں اور آئندہ بھی دریغ نہیں کریں گے۔ انہوں نے پنجاب کے معاشی حالات میں بہتری کا ذکر کرتے ہوئے کہا کہ شرح سود میں کمی، روپیہ کی استحکام اور اسٹاک ایکسچینج کی بلند سطح نے ملک کی معیشت کو فائدہ پہنچایا ہے۔

وزیراعلیٰ پنجاب مریم نواز نے بھی نواز شریف کی قیادت کو سراہا اور کہا کہ نواز شریف پاکستان کی ترقی کا برانڈ ہیں۔ انہوں نے اس بات کا بھی ذکر کیا کہ عوامی فلاح کے منصوبوں اور مستقبل کی سیاسی حکمت عملی پر مشاورت کی گئی۔ ارکان اسمبلی نے کہا کہ مختلف محکموں کو فعال کیا گیا ہے اور عوام کو تبدیلی محسوس ہو رہی ہے۔