میچ کے دوران چرس کی بو سے سبالینکا پریشان، کھیل روکنا پڑگیا

ٹینس کی عالمی نمبر ایک کھلاڑی آریانا سبالینکا کو میچ کے دوران اسٹیڈیم میں چرس کی بو کے باعث پریشانی کا سامنا کرنا پڑا، جس کے باعث انہیں کچھ دیر کے لیے کھیل روکنا پڑا۔

میچ کے دوران سبالینکا نے ایمپائر کی توجہ اس جانب مبذول کراتے ہوئے کہا کہ یہاں بہت تیز بو آرہی ہے اور ایسا محسوس ہوتا ہے کہ کوئی شخص چرس پی رہا ہے۔

سبالینکا کی شکایت پر ایمپائر نے تماشائیوں کو ہدایت کی کہ سگریٹ نوشی کی صورت میں ٹینس کورٹ کے اطراف ایسا کرنے سے گریز کیا جائے۔

واقعے کے باعث میچ کے دوران مختصر وقفہ آیا، تاہم بعد ازاں کھیل دوبارہ شروع کردیا گیا۔