راولپنڈی: گھریلو ملازمہ پر تشدد، 12 سالہ بچی جان کی بازی ہار گئی

راولپنڈی کے علاقے اصغر مال میں مبینہ طور پر تشدد کا شکار ہونے والی 12 سالہ گھریلو ملازمہ دورانِ علاج دم توڑ گئی۔

پولیس کے مطابق بچی کو تشویشناک حالت میں ہولی فیملی اسپتال منتقل کیا گیا تھا، جہاں وہ زخموں کی تاب نہ لاتے ہوئے جاں بحق ہوگئی۔

ابتدائی تحقیقات کے مطابق بچی کے جسم پر تشدد کے نشانات پائے گئے، جن میں ہاتھ، پاؤں، چہرہ اور سر شامل ہیں۔

پولیس نے واقعے میں ملوث ہونے کے شبہ میں مالک مکان اور اس کی بیوی کو گرفتار کر لیا ہے، جبکہ مقدمے میں قتل سمیت دیگر 7 دفعات شامل کر دی گئی ہیں۔