ہالی وڈ کے مایہ ناز گلوکار لوئس ٹاملنسن کی مداح نے ان سے آٹوگراف کے بہانے شادی کے سرکاری سرٹیفکیٹ پر دستخط کرالیے اور تصویر سوشل میڈیا پر پوسٹ کردی۔

غیر ملکی خبر رساں ادارے کی رپورٹ کے مطابق ماضی کا مقبول ترین برطانوی میوزک بینڈ ’ون ڈائریکشن‘ کے ممبر  لوئس ٹاملنسن نے بے دھیانی میں شادی کے سرٹیفکیٹ پر دستخط کردیے۔

یہاں یہ بات قابلِ ذکر ہے کہ مشہور گانا ‘نائٹ چینجز’ بنانے والا یہ بینڈ اب ختم ہوچکا ہے، 2010 میں بننے والا ون ڈائریکشن نامی بینڈ 2016 میں ختم ہوگیا تھا، اس بینڈ میں گلوکار زین ملک سمیت لوئس ٹاملنسن، لیام پیئن، ہیری اسٹائلز اور نائل ہوران شامل تھے، جب کہ اب یہ سب اپنے اپنے گانے بناتے ہیں۔