تحریک انصاف کی رہنما یاسمین راشد نے کہا ہے کہ نواز شریف 500 بندے لے کر سڑکوں پر خوار ہو رہا ہے۔

میڈیا سے غیر رسمی گفتگو میں ڈاکٹر یاسمین راشد نے کہا کہ مریم بی بی کہتی ہیں کہ نواز شریف کے دل میں بہت راز ہیں لیکن ہمیں ایک راز بتا دیں کہ ایون فلیڈ ریفرنس کے پیسے کہاں سے آئے، حدیبیہ پیپرز ملز کیس کھولنے سے سب پتہ چل جائے گا۔

الیکشن 2024،کون کس کے مدمقابل، یاسمین راشد اور نواز شریف آمنے سامنے

انہوں نے کہا کہ ہم نے صحت کارڈ، لنگر خانے اور مسافر خانے بنائے لیکن انہوں نے سب ختم کر دیا، ووٹ دیتے وقت خیال رکھیں کہ میں ہمشہ اپنے علاقوں کے ووٹرز کیساتھ کھڑی رہی ہوں، میں بیماری اور کرونا میں بھی آپ کیساتھ کھڑی رہی ہوں۔

انہوں نے مزید کہا کہ  آج میں جیل میں ہوں ، اگر باہر ہوتی تو ووٹرز کے گھروں میں جاتی۔ میں اپنے ووٹرز کو یہی کہوں گی کہ ووٹ پی ٹی آئی کو دیں۔