حکمران سمجھ جائیں ورنہ عوام نکل کر ان کا قبلہ درست کردیں گے، علی امین گنڈا پور

وفاق نے صوبے کی بجلی پہلے سے کم کردی ہے، وفاقی حکومت کو خیبر پختونخوا ہ کے ساتھ اپنا رویہ ٹھیک کرنا ہوگا،حکومت بجلی کے سلسلے میں خیبرپختونخوا اور اسکے عوام سے انتقام لے رہی ہے،وزیراعلیٰ خیبرپختونخواہ

 

زیراعلیٰ خیبر پختو نخوا  علی امین گنڈا پور کا کہنا ہے کہ حکمران سمجھ جائیں ورنہ عوام نکل کر ان کا قبلہ درست کردیں گے، وفاق نے صوبے کی بجلی پہلے سے کم کردی ہے، وفاقی حکومت کو خیبر پختونخوا ہ کے ساتھ اپنا رویہ ٹھیک کرنا ہوگا واپڈا وفاقی حکومت کے ماتحت ادارہ ہے اور وفاقی حکومتبجلی  کے سلسلے میں خیبر پختو نخوا اور اسکے عوام سے انتقام لے رہی ہے۔

 

عیدالاضحی پر خیبرپختونخواہ میں غیر اعلانیہ لوڈ شیڈنگ پر وزیراعلیٰ خیبرپختونخواہ بدترین لوڈ شیڈنگ پر وفاقی حکومت کو تنقید کا نشانہ بناتے ہوئے کہا کہ پی ڈی ایم کی حکومت جھوٹ اور غلط بیانی سے کام لے رہی ہے واپڈا کے مقامی اہلکار اپنے بساط کے مطابق تعاون کر رہے ہیں لیکن وفاقی حکومت کی طرف سے صوبے کے حصے کی بجلی ہلے سے کم کردی گئی ہے، بجلی کی لوڈ شیڈنگ کے معاملے پر وفاق کے ساتھ عنقریب دوسری بیٹھک ہوگی۔

 

انہوں نے کہا کہ اس معاملے پر ہم چپ نہیں رہیں گے، وفاقی حکومت سے دوبارہ بات کریں گے اور جواب مانگیں گے، وفاقی حکومت نے صوبے کی بجلی پہلے سے کم کردی ہے، حکومت خیبر پختو نخوا کے عوام سے انتقام لے رہی ہے۔وزیراعلیٰ نے کہا کہ لائن لاسز کے معاملے پر صوبائی حکومتواپنڈاکے ساتھ مکمل تعاون کر رہی ہے مگر وفاق کی طرف سے جو یقین دہانی کرائی گئی تھی وہ پوری نہیں ہورہی، پی ڈی ایم کی حکومت ہمیشہ کی طرح جھوٹ اور غلط بیانی سے کام لے رہی ہے۔

 

علی امین گنڈا پور کا کہنا تھا کہ اس وقت وفاق میں بیٹھی حکومت فارم 47 کی پیداوار ہے، وفاقی حکومت عوام کا مینڈیٹ چوری کرکے غیر قانونی طور پر بنی ہوئی ہے۔وزیراعلیٰ خیبر پختو نخوا علی امین گنڈا پورکا مزید کہنا تھا کہ واپڈآ کی لوڈ شیڈنگ پر وفاق کے ساتھ عنقریب دوسری بیٹھک ہوگی، واپڈا وفاقی حکومت کے ماتحت ادارہ ہے، لائن لاسز کے معاملے پر صوبائی حکومت واپڈا سے تعاون کر رہی ہے، وفاق کی طرف سے کی گئی کمٹمنٹ پوری نہیں ہورہی۔

 

صوبے کے مختلف مقامات سے بجلی کی لوڈ شیڈنگ کے جاری کردہ شیڈول پر عملدرآمد نہ ہونے کی شکایات مل رہی ہیں، وفاقی حکومت کو خیبر پختونخوا کے ساتھ اپنا رویہ ٹھیک کرنا ہوگا، اس معاملے پر ہم چپ نہیں رہیں گے، وفاقی حکومت سے دوبارہ بات کریں گے اور جواب مانگیں گے بجلی کے ترسیل کے نظام میں کمی خامیوں کو پورا کرنا وفاقی حکومت کی ذمہ داری ہے، ہم پوری طرح تعاون کر رہے ہیں لیکن وفاقی حکومت تعاون نہیں کر رہی۔