وزیراعلیٰ خیبرپختونخوا نے نیشنل گرڈ کی بجلی بند کرنے کی دھمکی دے دی

واپڈا ہمارے صوبے کے ساتھ زیادتی کررہا ہے، وفاقی حکومت اپنی ذمے داری پوری نہیں کررہی، اگر نیشنل گرڈ سے بجلی کم کی گئی تو بجلی بند کردوں گا۔ علی امین گنڈاپور کی پریس کانفرنس

 

وزیراعلیٰ خیبر پختونخوا علی امین گنڈاپور نے نیشنل گرڈ کی بجلی بند کرنے کی دھمکی دے دی۔ ڈیرہ اسماعیل خان میں پریس کانفرنس کرتے ہوئے انہوں نے کہا کہ واپڈا ہمارے صوبے کے ساتھ زیادتی کررہا ہے، وفاقی حکومت اپنی ذمے داری پوری نہیں کررہی، اگر نیشنل گرڈ سےبجلی کم کی گئی تو بجلی  بند کردوں گا، جتنا وفاق نے بجٹ پیش کیا اس سے زیادہ ہمارے صوبے کے واجبات رہتے ہیں جو نہیں ادا کیے جا رہے، سی سی آئی سے منظور شدہ صوبے کے واجبات ہمیں نہیں مل رہے، آپ کس طرح بیٹھے ہیں اور کس طرح آپ کو نکالنا ہے مجھے پتا ہے، یہ لوگ مینڈیٹ چوری کرکے حکومت میں بیٹھے ہیں۔

 

علی امین گنڈا پور نے کہا کہ لوڈ شیڈنگ کے خاتمے کے لیے واپڈا کے ساتھ پلان بنایا کہ نقصان والے علاقوں میں سولر لگائیں گے، سولر سسٹم کے لیے 10 ارب روپے مختض کیے جس کے لیے ڈیڑھ مہینے کا وقت مختض کیا، وفاقی وزیر سے ڈیڈ لائن ختم ہونے کے بعد رابطہ کیا لیکن کوئی جواب نہ مل سکا، میں نے اویس لغاری کو کل کی پیغام بھیجا لیکن انہوں نے جواب نہیں دیا،وزیر اعظم مجھے مجبور کر رہا ہے کہ ان کی حکومت کو دھکے دے کر نکالا جائے، صوبے کا حق بھی لینا ہے اور حق لینے سے کوئی روک نہیں سکتا، حکومت سے دوبارہ بات کریں گے مسائل سے آگاہ کریں گے۔

 

انہوں نے مزید کہا کہ ریاست مدینہ کی صرف بات نہیں کرتے ہم اس پر عمل بھی کرتے ہیں، ہمیں اپنے عوام کے تعاون کی ضرورت ہے، عوام سے التماس ہے واپڈاکے کسی بھی اثاثے کو نقصان نہیں پہنچانا کیوں کہ یہ ہمارا اثاثہ ہے، تمام ایم پی ایز بھی گرڈ اسٹیشن پر جائیں اور وزیراعظم سے آخری بار کہتا ہوں ہمارے پیسے واپس دو۔ وزیراعلیٰ خیبر پختونخوا کا کہنا ہے کہ صوبے میں 12 گھنٹے سے زیادہ لوڈ شیڈنگ نہیں ہونی چاہیئے، وعدہ کرتا ہوں 12 گھنٹے سے زیادہ لوڈ شیڈنگ کسی بھی فیڈر پر نہیں ہوگی، عوام نے خود بیٹھ کر چوکیداری کرنی ہے کہ 12 گھنٹے سے زائد لوڈ شیڈنگ کہیں نہ ہو، خیبر پختونخوا کی پولیس واپڈ کے کہنے پر کسی بھی شخص پر ایف آئی آر درج نہیں کرے گی،خیبر پختو نخوا کی کی لولیس اپڈا کی ما تحت نہیں ہے۔

 

انہوں نے کہا کہ لوڈ شیڈنگ ختم کرنا وفاقی حکومت کی ذمے داری ہے، وفاق اپنی ذمے داری پوری نہیں کررہا، یہ لوگ چوری کا مینڈیٹ لے کر حکومت میں بیٹھے ہیں اگر نیشنل گرڈ سے بجلی کم کی گئی تو بجلی بند کردوں گا، واپڈ جو زیادتیاں کر رہا ہے تو عوام کو حق کے ساتھ کھڑا ہونا ہوگا،لوڈ شیڈنگ کے خاتمے کے لیے ذمہ داران اور پارلیمنٹیرینز عوام کی نمائندگی کریں گے، میینڈیٹ چور حکومت میں چوری کوٹ کوٹ کر بھری ہے۔