منڈی بہاء الدین: مضر شربت پینے سے تین بچوں کی ہلاکت

منڈی بہاء الدین میں مبینہ طور پر مضر شربت پینے سے تین بچے جاں بحق

پنجاب کے ضلع منڈی بہاء الدین میں مبینہ طور پر خراب مشروب پینے سے تین بچے جاں بحق ہو گئے ہیں جبکہ ایک بچہ اسپتال میں زیرِ علاج ہے۔

پولیس کے مطابق بچوں نے ایک دکان سے مشروب کا پاؤڈر خریدا تھا جس کے بعد ان کی طبیعت بگڑ گئی۔ واقعے کے بعد دکاندار سمیت دو افراد کو حراست میں لے کر ان کے خلاف مقدمہ درج کر لیا گیا ہے۔

جاں بحق ہونے والے بچوں کی عمریں 11 سے 13 سال کے درمیان بتائی جا رہی ہیں۔ پولیس اور ضلعی انتظامیہ واقعے کی تحقیقات کر رہے ہیں تاکہ مضر مشروب کی نوعیت اور اسباب کا تعین کیا جا سکے۔