پنجاب 5 پولیس ملازمین کے بچوں کی سرجری کے لیے 83 لاکھ روپے کے فنڈز جاری

انسپکٹر جنرل پولیس پنجاب ڈاکٹر عثمان انور نے 5 پولیس ملازمین کے بچوں کی کوکلئیر امپلانٹ سرجری کے لیے 83 لاکھ روپے کے فنڈز جاری کر دیے ہیں۔ ڈاکٹر عثمان کے مطابق، اس سے قبل پولیس ملازمین کے 28 بچوں کی کامیاب کوکلئیر امپلانٹ سرجری ہو چکی ہے، جس سے اسپیشل بچے نارمل انداز میں سننے کے قابل ہو گئے ہیں۔

ڈاکٹر عثمان انور نے یہ بھی بتایا کہ تھیلیسیمیا اور سیریبرل پالسی کے شکار بچوں کے لیے ماہانہ 10 ہزار روپے وظیفہ بھی دیا جا رہا ہے۔ جاری کیے گئے فنڈز کے تحت سب انسپکٹر اعظم علی کی 4 سالہ بیٹی، سینئر ٹریفک وارڈن محمد علی نیئر کے 3 سالہ بیٹے، ہیڈ کانسٹیبل محمد حسنین کی 3 سالہ بیٹی، ہیڈ کانسٹیبل امداد حسین کے 7 سالہ بیٹے اور کانسٹیبل عقیل احمد کی 3 سالہ بیٹی کی سرجری کے لیے 16 لاکھ 60 ہزار روپے فراہم کیے گئے ہیں۔