حکومت کا سانحہ 9 مئی کے 19 مجرمان کی سزائیں معاف کرنے کا فیصلہ

پاکستانی حکومت نے سانحہ 9 مئی 2023 کے دوران سزا یافتہ 19 افراد کی سزاؤں میں معافی کا اعلان کیا ہے۔ یہ فیصلہ خالصتاً انسانی ہمدردی کی بنیاد پر کیا گیا، اور ان افراد کی رہائی کو قانونی عمل کے تمام مراحل کی تکمیل کے بعد ممکن بنایا جا رہا ہے۔

حکومتی بیان کے مطابق، مجموعی طور پر 67 مجرمان نے رحم کی پٹیشنز دائر کی تھیں، جن میں سے 48 درخواستیں مزید قانونی جائزے کے لیے "کورٹس آف اپیل” کو بھیجی گئیں۔ 19 درخواستوں کو انسانی بنیادوں پر منظور کرتے ہوئے ان افراد کی رہائی کا حکم دیا گیا ہے۔

معافی پانے والے مجرمان کے نام:

حکومت نے ان افراد کے نام جاری کیے ہیں، جن میں شامل ہیں:

1. محمد ایاز

2. سمیع اللہ

3. لئیق احمد

4. امجد علی

5. یاسر نواز

6. سیعد عالم

7. زاہد خان

8. محمد سلیمان

9. حمزہ شریف

10. محمد سلمان

11. اشعر بٹ

12. محمد وقاص

13. سفیان ادریس

14. منیب احمد

15. محمد احمد

16. محمد نواز

17. محمد علی

18. محمد بلاول

19. محمد الیاس

 

قانونی عمل کی مضبوطی کا اظہار

حکومتی ذرائع کے مطابق، یہ فیصلہ انصاف کے نظام میں ہمدردی اور رحم کی اہمیت کو مدنظر رکھتے ہوئے کیا گیا ہے۔ دیگر مجرمان کے قانونی حقوق محفوظ ہیں، اور ان کے پاس بھی اپیل کرنے اور رحم کی درخواستیں دائر کرنے کا اختیار موجود ہے۔

ماضی میں بھی انسانی ہمدردی کے اقدامات

اس سے قبل اپریل 2024 میں بھی 20 مجرمان کی رہائی کا حکم انسانی بنیادوں پر جاری کیا گیا تھا۔

یہ اقدامات انصاف اور قانون کی عملداری کے ساتھ انسانی ہمدردی کے اصولوں کی عکاسی کرتے ہیں۔