فضل الہٰی مظاہرین کے ساتھ دوبارہ رحمٰن بابا گرڈ اسٹیشن میں داخل

خیبر پختون خوا اسمبلی کے رکن فضل الہٰی مظاہرین کے ساتھ دوبارہ رحمٰن بابا گرڈ اسٹیشن میں داخل ہو گئے۔

ترجمان پیسکو کے مطابق فضل الہٰی نے رحمٰن بابا گرڈ اسٹیشن سے زبردستی 4 فیڈرز سے بجلی بحال کر دی، مظاہرین نے زبردستی 4 فیڈرز آن کیے جو ہائی لاس فیڈرز میں شمار ہوتے ہیں۔

دوسری جانب فضل الہٰی نے کہا ہے کہ لوڈشیڈنگ ختم نہ کی تو دوبارہ احتجاج کریں گے۔

اپنے ایک بیان میں فضل الہٰی نے کہا کہ لوڈشیڈنگ نہ کرنے کی یقین دہانی پر احتجاج ختم کیا تھا، لوڈشیڈنگ جاری ہے، ہمارے بچے گرمی میں نہ جلائیں۔

واضح رہے کہ گزشتہ روز بھی خیبر پختون خوا اسمبلی کے رکن فضل الہٰی نے پشاور کے رحمٰن بابا گرڈ اسٹیشن میں داخل ہوکر 10 فیڈرز کی بجلی بحال کر دی تھی۔

دوسری جانب پشاور میں ورسک روڈ پر لوڈشیڈنگ کے خلاف علاقہ مکینوں نے احتجاج کیا۔