راولپنڈی کے علاقے واہ کینٹ میں ڈاکو گھر سے ڈالر سمیت پونے 2 کروڑ سے زائد کی لوٹ مار کرکے فرار ہو گئے۔

پولیس کے مطابق تھانہ واہ کینٹ کے علاقے آفیسرز کالونی میں مسلح ڈاکووں نے امان میر نامی شخص کے گھر گھس کر پونے 2 کروڑ روپے سے زائد کی نقدی، ڈالر، قیمتی گھڑیاں اور زیورات لوٹ لئے ۔

لاہور کے اسپتال میں ڈکیتی،ڈاکوؤں نے مریضوں اور عملے کو لوٹ لیا

مدعی مقدمہ کے مطابق 4 مسلح ڈاکو گھر میں داخل ہوئے، مجھے اور خانساماں کو تشدد کا نشانہ بنا کر رسیوں سے باندھ دیا اور قتل کی دھمکیاں دیں ۔ ملزمان گھر سے 58 لاکھ روپے کی نقدی ،60 لاکھ روپے کے زیورات، 16 ہزار 135 ڈالر ،26 لاکھ روپے مالیت کی گھڑیاں لے گئے۔

علاوہ ازیں ملزمان ڈیڑھ لاکھ روپے مالیت کے پرفیوم ، 9 ایم ایم پستول اور 200 گولیاں ،18 ہزار روپے مالیت کے چشمے اور 54 ہزار مالیت کے پرس بھی لوٹ کر لے گئے۔ ملزمان واردات کے دوران سی سی ٹی وی کیمروں کی ڈی وی آر بھی ساتھ لے گئے ، پولیس نے تفتیش شروع کر دی۔