راولپنڈی کے علاقے ڈھوک حسو یونین کونسل 5 میں ورکرز کنونشن کا انعقاد

راولپنڈی(مدثر ظہیر)
راولپنڈی کے علاقے ڈھوک حسو یونین کونسل 5 میں ورکرز کنونشن کا انعقاد کیا گیا ۔

پاکستان پیپلز پارٹی یونین کونسل 5 کے صدر نصیر بھٹی نے PP16 کے ورکرز کنونشن کی میزبانی کی۔

اس کنونشن میں PP 16 کی تمام یونین کونسل کے رہنماؤں اور کارکنوں نے شرکت کی۔ اس موقع پر مقررین کا کہنا تھا کہ ضمنی الیکشن کے بعد پیپلز پارٹی کا کوئی نمائندہ بھی ہمارے پاس شکریہ تک ادا کرنے نہیں آیا۔ مزید مقررین کا کہنا تھا کہ یہ بھٹو ازم نہیں ہے کہ نظریاتی کارکنوں کو نظر انداز کیا جائے۔اس کنونشن میں یہ فیصلہ کیا گیا کہ ورکرز کی ایک جوائنٹ کمیٹی بنائی جائے گی جو کہ اعلیٰ قیادت تک اپنے تحفظات پہنچائے گی تاکہ اعلیٰ قیادت کو معلوم ہوسکے کہ نظریاتی کارکنوں کو کن کن مشکلات کے باوجود بھی اپنی پارٹی کا دامن مضبوطی سے پکڑا ہوا ہے۔