9 رَبيع الأوّل / August 22
Date: 22-08-2026Author: Noor SaharViews: 15

ممبئی: بالی ووڈ اسٹار سلمان خان کی نئی فلم کی شوٹنگ کے دوران ان کے باڈی ڈبل (اسٹنٹ مین) کو دل کا دورہ پڑ گیا، جس کے بعد فلم کے ایکشن مناظر کی شوٹنگ کے شیڈول میں تبدیلی کی جا رہی ہے۔

بھارتی میڈیا رپورٹس کے مطابق سلمان خان کی نئی فلم، جسے عارضی طور پر SVC63 کا نام دیا گیا ہے، کی شوٹنگ کے دوران ان کی جگہ ایکشن مناظر کرنے والے اسٹنٹ مین کی طبیعت اچانک خراب ہوگئی۔

رپورٹس کے مطابق بعد میں معلوم ہوا کہ اسٹنٹ مین کو دل کا دورہ پڑا ہے، جس کے باعث وہ کچھ عرصے تک ایکشن مناظر کی شوٹنگ میں حصہ نہیں لے سکیں گے۔

میڈیا رپورٹس میں ذرائع کے حوالے سے بتایا گیا ہے کہ صورتحال کے بعد سلمان خان نے فلم کے بعض مشکل ایکشن مناظر خود شوٹ کرنے کا فیصلہ کیا ہے تاکہ فلم کی شوٹنگ کے شیڈول پر زیادہ اثر نہ پڑے۔

ذرائع کے مطابق سلمان خان اس صورتحال کے بعد فلم کی شوٹنگ کے حوالے سے خاصے متحرک ہیں اور چاہتے ہیں کہ پروجیکٹ کے شیڈول میں غیر ضروری تاخیر نہ ہو۔

رپورٹس کے مطابق فلم کی انتظامیہ بھی سلمان خان کی جانب سے ایکشن سین خود کرنے کے فیصلے کو مدنظر رکھتے ہوئے شوٹنگ کی منصوبہ بندی احتیاط سے کر رہی ہے۔

فلم کی کاسٹ اور دیگر تفصیلات کے حوالے سے مزید معلومات سامنے آنے کا انتظار ہے۔