تہران پر رات بھر جاری رہنے والے حملے ختم ہو گئے، اسرائیلی فوج

اسرائیلی فوج کا تہران میں حملوں کی تکمیل کا دعویٰ

اسرائیلی فوج نے دعویٰ کیا ہے کہ تہران کے قلب میں گزشتہ رات سے جاری حملوں کا سلسلہ مکمل کر لیا گیا ہے۔ فوج کے مطابق ان کارروائیوں میں تہران میں واقع میزائل پروڈکشن کی متعدد انڈسٹریل سائٹس کو نشانہ بنایا گیا۔

صہیونی فوج کا کہنا ہے کہ ان حملوں کے دوران ایران میں درجنوں فوجی اہداف کو بھی نشانہ بنایا گیا، جن میں نیوکلیئر ویپنز پروجیکٹ کے ریسرچ اینڈ ڈیویلپمنٹ ہیڈکوارٹرز بھی شامل ہیں۔

اسرائیلی فوج کے مطابق تہران پر ہونے والی ان کارروائیوں میں 60 سے زائد لڑاکا طیاروں نے حصہ لیا۔