ملازمت پیشہ افراد پر ٹیکسوں کا بوجھ بڑھنے کا امکان

لاہور (این این آئی) تنخواہ دار طبقے پر ٹیکسوں کا دباؤ مزید بڑھنے کا خدشہ ہے، جس کے تحت رواں مالی سال میں ان سے 570 ارب روپے ٹیکس وصول کیے جانے کا امکان ہے۔

ایف بی آر کی رپورٹ کے مطابق گزشتہ سال کے مقابلے میں ملازمت پیشہ افراد 55 فیصد زائد ٹیکس ادا کریں گے۔ گزشتہ مالی سال میں اس طبقے نے 368 ارب روپے ٹیکس خزانے میں جمع کروایا تھا، جبکہ رواں سال کے پہلے چھ ماہ میں 243 ارب روپے کی وصولی ہو چکی ہے، جو پچھلے سال کے اسی عرصے کے مقابلے میں 300 فیصد زیادہ ہے۔

رپورٹ میں مزید بتایا گیا ہے کہ تنخواہ دار طبقہ اب ملک میں ٹیکس دینے والا تیسرا بڑا شعبہ بن چکا ہے۔