شبلی فراز کا کہنا ہے کہ کے پی کو سینیٹ میں ایک سال سے نمائندگی نہیں دی گئی

پاکستان تحریکِ انصاف (پی ٹی آئی) کے سینیٹر شبلی فراز نے کہا ہے کہ خیبرپختونخوا کو سینیٹ میں ایک سال سے نمائندگی نہیں دی گئی ہے۔ میڈیا سے گفتگو کرتے ہوئے انہوں نے کہا کہ جعلی پارلیمنٹ میں عوام کی جانب سے مسترد کیے ہوئے افراد بیٹھے ہیں، اور اگر عوام کا اعتماد حاصل نہ ہو تو ملک آگے نہیں بڑھ سکتا۔

شبلی فراز نے اس بات پر بھی تشویش کا اظہار کیا کہ امن و امان کی صورتِ حال ابتر ہو چکی ہے اور ملک ترقی کے بجائے پیچھے جا رہا ہے۔ انہوں نے ہائی کورٹ کے فیصلے کا حوالہ دیتے ہوئے کہا کہ 60 دن کے اندر انتخابات کروانے کا حکم دیا گیا تھا، مگر اس پر عملدرآمد نہیں ہو رہا۔

پی ٹی آئی کے رہنما نے مزید کہا کہ سیاسی مقدمات بنائے جا رہے ہیں، اور 26 ویں آئینی ترمیم عدالت میں چیلنج ہونے کے باوجود ججز کی تعیناتی کی جا رہی ہے۔ شبلی فراز نے سوال اٹھایا کہ جب پراسس غلط ہو تو تعیناتیاں کیسے درست ہو سکتی ہیں؟