کینسر سے بچاؤ کا عالمی دن – آگاہی اور احتیاط وقت کی ضرورت

آج دنیا بھر سمیت پاکستان میں کینسر سے بچاؤ کا عالمی دن منایا جا رہا ہے، جس کا مقصد عوام میں اس جان لیوا بیماری کے خلاف شعور اجاگر کرنا اور احتیاطی تدابیر کو فروغ دینا ہے۔

طبی ماہرین کے مطابق پاکستان میں ہر سال 1 لاکھ 85 ہزار سے زائد افراد کینسر میں مبتلا ہو رہے ہیں، جبکہ 1 لاکھ 20 ہزار قیمتی جانیں اس بیماری کے باعث ضائع ہو جاتی ہیں۔ ماہرین کا کہنا ہے کہ بروقت تشخیص، صحت مند طرزِ زندگی اور مناسب علاج سے کینسر کے خطرے کو کم کیا جا سکتا ہے۔

وزیراعظم شہباز شریف نے اس موقع پر اپنے پیغام میں عوام کو بروقت طبی معائنے اور اسکریننگ کی تلقین کرتے ہوئے کہا کہ پاکستان کینسر سے نمٹنے کے لیے عالمی تعاون کی اہمیت کو تسلیم کرتا ہے اور اس سلسلے میں موثر اقدامات کیے جا رہے ہیں۔

کینسر کے خلاف آگاہی پھیلانا اور احتیاطی تدابیر اپنانا ہر فرد کی ذمہ داری ہے، کیونکہ بروقت احتیاطی تدابیر ہی اس بیماری کے خلاف سب سے مؤثر ہتھیار ثابت ہو سکتی ہیں۔