برفانی علاقے میں منگنی کے فوٹو شوٹ کے دوران جوڑے کو مشکلات کا سامنا

امریکی ریاست کیلیفورنیا کے ایک جوڑے کو اپنی منگنی کے فوٹو شوٹ کے دوران ایک غیر متوقع مشکل کا سامنا کرنا پڑا جب خاتون کی انگوٹھی برف میں گم ہو گئی۔

33 سالہ کم ژا اور 34 سالہ فل موئی ایک برفیلے مقام پر اپنی منگنی کی تصاویر بنوا رہے تھے۔ فوٹوگرافر سبرینا بوہیلک نے شوٹ کے دوران نوٹس کیا کہ کم ژا کی انگوٹھی ان کی انگلی سے غائب ہے۔ اس انکشاف کے بعد فل موئی خاصے افسردہ ہوگئے۔ انہوں نے کہا کہ صرف دس منٹ کے فوٹو شوٹ میں انگوٹھی کھو جانا ایک بڑا دھچکا تھا، اور وہ پریشان تھے کہ برف میں چھپی ہوئی ایک چھوٹی سی انگوٹھی کو کیسے ڈھونڈا جائے۔

اس مشکل گھڑی میں فوٹوگرافر، یہ جوڑا اور وہاں موجود لوگ مل کر انگوٹھی تلاش کرنے میں لگ گئے۔ تقریباً دو گھنٹے تک مسلسل کوشش جاری رہی، اور دی پارک سٹی اسکائی پیٹرول نے میٹل ڈیٹیکٹر کی مدد سے بھی انگوٹھی ڈھونڈنے کی کوشش کی۔

آخرکار، فل موئی کی نظر برف کے اندر دبی ہوئی انگوٹھی پر پڑی، جس سے مسئلہ حل ہو گیا۔ انگوٹھی ملنے پر فل اور ان کی منگیتر خوشی سے جھوم اٹھے اور سب نے سکون کا سانس لیا۔

یہ واقعہ نہ صرف جوڑے کے لیے یادگار رہا بلکہ اس میں شامل سب افراد کے لیے بھی ایک منفرد اور خوشگوار یاد بن گیا۔